İtaətin din əxlaqında əhəmiyyəti

(Xızır) dedi: “Əgər mənə tabe olacaqsansa, özüm sənə bir xəbər bildirmə¬¬yincə məndən heç bir şey haqqında soruşma”. (Kəhf surəsi, 70)

Hz.Musa və hz.Xızır qissəsi ilə peyğəmbərə və elçilərə itaətin vacibliyinə bir daha diqqət çəkilir. Bunun üçün möminlərin bir-birilərinə qəlbən hörmət bəsləmələri çox önəmlidir. Bir ayədə elçilərə itaət etməyin önəmi belə bildirilir:

Kim Peyğəmbərə itaət edərsə, Allaha itaət etmiş olar, kim üz çevirərsə, (bil ki,) Biz səni onlara gözətçi göndərməmişik. (Nisa surəsi, 80)

Möminlər elçiyə itaət edərkən əslində Rəbbimizə itaət etdiklərini bilməli, elçilərin qəbul etdikləri hər qərarı, etdikləri hər işi xeyir və hikmət gözü ilə dəyərləndirməli və onlara qəlbən tabe olmalıdırlar.

Belə ki, hz.Musa və hz.Xızır qissəsindəki ayələrdə də tabe olunan insanın lazım bildiyi zaman etdiyi işlərin, aldığı qərarların ve söylədiyi sözlərin hikmətini öyüdlə açıqlayacağı bildirilir. Məsələn,“Kəhf” surəsinin bu ayəsində hz.Xızırın “özüm sənə bir xəbər bildirməyincə” dediyi xəbər verilərək hz. Musaya qarşılaşdığı hadisələrin hikmətinin açıqlanacağı bildirilmişdir.

Hz.Xızır və hz.Musanın yol boyu yaşadıqları ikisinin də qədərində təyin olunmuş və Allah qatında yazılmışdır. Bunların heç bir şəkildə fərqli yaşanması ehtimalı yoxdur. İkisinin ayrılma anı da eynilə qarşılaşma anı və qarşılaşma məkanı kimi Allah qatında bəllidir.Allah ikisinin də qədərində bu anları sonsuz əvvəldə təyin etmişdir.